Ken Nos ta
No tin niun manera ku nos por komponé e página aki, sin ekspresá nos gratitut na nos maestronan James Allyn Moser i Sean Xenja, di ken nos a siña e teoria - i praktiká e fundamentunan di BTB Feng Shui, ora nos tabata komo nan studiante na Maui, Hawaii.
Nan a prepará e fundeshi ku a hasi posibel ku nos por a kontinuá nos estudio i profundisá den e konosementu ku e máksimo outoridat riba BTB Feng Shui, Su Santidat Grandmaster Professor Lin Yun, na vários parti di Estados Unidos, inkluyendo Harvard Divinity School.
Apesar di e distansia, atraves di añanan i te dia di awe, tantu James komo Sean a keda duna nos e sosten kada bes ku nos tabatin mester di nan.
Di e manera aki nos ta ekspresá nos sinsero gratitut na James, Sean i Professor Lin Yun i nos ta pidi nan Bendishon pa fortifiká nos espíritu i iluminá nos kaminda. Masha, masha danki.
FengShuiHost.com
FengShuiHost.com a wòrdu diseñá pa hasié mas fásil pa tur hende ku kier haña akseso instantáneo na un variedat di servisionan -, edukashon i produktonan di Feng Shui.
Nos a logra trese huntu, dos gran organisashon, esta Feng Shui Life i Foundation Cosmic Energies and Spirituality.
Foundation Cosmic Energies and Spirituality (FCES)
FCES a wòrdu fundá pa por eduká i asistí humanidatden e maneranan pa eksperensiá i kresementu spiritual i oumentá e poder spiritual atraves di e práktika di BTB-, i e implementashon di e konosementu BTB Feng Shui en general, i konsekuentemente kana e kaminda liber di doló i sufrimentu. FCES ta proveé servisionan edukashonal ku ta di hopi importansia pa esnan ku buskando
- kontesta riba e pùzelnan di bida diario
- solushon di un variedat di difikultat - inkluyendo desafionan finansiero i di matrimonio
- sanashon
Nos ta konvensí ku rehabilitashon spiritual ta e klave pa prosperidat mental, spiritual i material, i salú perfekto.
Nos ta organisá seshonnan di "solushon i kurashon pa grupo. Durante di e seshonnan ey nos ta
- apliká un variedat di remédionan transedental di BTB Feng Shui pa limpiesa personal
- eduká e studiantenan den aserkamentu spiritual di e desafionan di bida diario
- eduká e studiantenan riba e manera pa oumentá nan poder spiritual
- roveé e studiantenan di hèrmèn/remedionan ku por duna nan, resultado inmediato den kualkier kos ku nan kier logra
Nos tin sientos di testimonionan skibi na man, den kua e studiantenan ta reportá ku nan a eksperensiá solushon i kurashon, inkluyendo
- e tipo di malesanan ku a kura
- mehoransa den relashon ku kasá
- mehoransa den relashon ku nan yunan
- oumento di harmonia entre kolega
- mehor relashon ku doño di trabou
- ménos stress
- eliminashon di miedo debilitante
- eliminashon di tristesa debilitante
- Oumento di kurashi
- Eliminashon di difikultatnan finansiero
- Realisashon di soñonan ku tabata mustra difísil òf imposibel for di un punto di bista teorétiko
- Mas alegria i felisidat
Foundation Cosmic Energies & Spirituality ta un fundashon, i no ta traha pa hasi ganashi. E seshonnan ta habri pa tur hende i ta wòrdu atendé dor di hende di tur nivel sosial di komunidat. Limitashon finansiero no mag i no por ta e motibu ku un hende no por atendé e seshonnan.
Nos por hasi loke nos ta hasiendo, solamente pasobra nos ta risibí donashon.
Rason pa kual nos ta hasi uso di e oportunidat aki pa manda nos Bendishon i ekspresá nos inmenso gratitut na tur esnan ku a sostené nos durante di e último añanan, i ku te ainda ta sosteniendo nos.
Ku bo sosten bo ta duna nos e posibilidat pa poko poko, pero sigur eliminá e doló i sufrimentu di mas i mas persona i nan famia. Konsekuentemente i huntu, nos lo krea un mihó komunidat i al fin al kabo un mihó mundu.
Feng Shui Life
Feng Shui Life tei pa
- Pa eduká personanan riba e teoria i filosofia di BTB Feng Shui,
- Pa asistí nan den nan afan pa eksperensiá alegria, pas i felisidat den nan bida personal, dor di trese balansá i harmonia den nan kas, negoshi i ofisina,
- Pa oumentá nan bon suerte, salú i prosperidat atraves di limpiesa personal.
Nos ta hasiendo esaki full-time den e último seis añanan
- Dor di organisá seminario, tayer, lektura i kurso relashoná ku BTB Feng Shui
- Atraves di konsulta, evaluashon di kas, evaluashon di negoshi, ofisina i tereno i
- Atraves di counseling
Nos ta pone produktonan di Feng Shui disponibel pa esnan ku ta sinsero den nan meta pa trese e kambionan nesesario den un òf mas área di nan bida.
Nos ta bende produktonan na Retail i Wholesale. Tuma Kontakt ku nos Awor.
Nos ofisina na establesé na Kòrsou, Antia Hulandes