Kiko ta Feng Shui?
Feng Shui Tradishonal
E forsanan misterioso ku ta wòrdu mirá komo loke ta responsabel pa determiná salú, prosperidat i bon suerte ta konosí komo Feng Shui. Pronunsiashon di e palabra ta "Fùng Shwei" i su tradukshon literal ta "bientu" i "awa."
Datonan di Feng Shui ta bai bèk te na e di kuater siglo B.C.
E Chinésnan di antaño tabata sa, ku ta krusial pa kontrolá forsanan di naturalesa, pa tapa bientu i kanalisá awa pa asina e bida agrario por wòrdu preservá. Kasnan mester ta traha kaminda nan ta haña protekshon di bientunan fuerte. Muchu tiki awa òf demasiado awa por ta dañino pa e plantashon.
Segun e populashon tabata kresiendo, tabata bira mas difísil pa haña lugánan ouspisioso. Tabatin mester di konosementu mas profundo.
Schools of Feng Shui
Atraves di añanan diferente skolnan di Feng Shui a wòrdu lantá. E skolnan tradishonal ta sigui un aserkamentu tradishonal estrikto. E direkshonnan apsoluto (Nòrt, Ost, Sùit i Wèst) ta di sumo importansia. E posishon kaminda e Ocho Tri-Gram ta bin, ta wòrdu determiná dor di un kompas. Hopi énfasis ta wòrdu poné riba Forma i faktornan tangible.
BTB Feng Shui
Black Hat Sect Tantric Buddhism (BTB) Feng Shui a inkorporá hopi di e práktikanan di e Feng Shui Tradishonal. Segun e tabata desaroyando BTB Feng Shui a wòrdu inmensamente influensiá dor di e filosofia nan di Budismo Tantriko, i a forma un skol úniko ku ta distinguí su mes for di hopi di e skolnan di Feng Shui tradishonal.
Atraves di su hopi añanan praktikando Feng Shui, Master Lin Yun a inkorporá e kamponan di estudio moderno manera, Siensia di Komportashon, Medisina, Arkitektura, Arte, Planifikashon Urbano, i hopi otronan, pa yud’é den deskubrimentu di e hopi teorianan di Feng Shui, ku riba nan mes ta nobo riba e tereno di práktika eksistente di Feng Shui.
E skol di BTB Feng Shui ta distinguí su mes dor di su aserkamentu no-ortodòks di e práktika di Feng Shui. E ta kontené algun di e teorianan tradishonal di Feng Shui.
The BTB Feng Shui approach
E konsepto intangible (Yi) ta determiná e kaminda e Ocho Tri-Gramnan ta bini i no e kompas. E ta empleá e konsepto di faktor nan intangible i ta apliká e aspektonan intangible komo un parti integral di ahuste pa medio di Feng Shui. E ta enkurashá pa re-enforsá ku e método di e "Tres sekretonan."
E ta proveé solushonnan transendental komo remedio di Feng Shui, inkluyendo métodonan eksotériko (tangible) i esotériko (intangible)
E ta pone énfasis riba "posishon relativo" enbes di "direkshon apsoluto." E entrada prinsipal di e edifisio -Boka di Ch'i) ta determiná e posishon di e tri-gramnan.
Ku otro palabra, e boka di Ch'i ta determiná unda bo por lokalisá e área di e edifisio/espasio ku ta goberná e energianan ku ta influensiá un parti di e kurpa humano, un situashon di bida, un miembro di famia, i hopi mas.
Algun ehempel
Den Kas A(House A), por ehèmpel, e posishon relativo di e entrada prinsipal i e huki ku ta falta (missing corner) por ta e motibu dikon un òf mas habitante ta eksperensiando difikultatnan finansiero, problema ku hep i/òf igra, etc.
Den Kas B (house B), habitantenan por ta eksperensiando problemanan ku nan karera, ku nan orea òf nir, etc.
Si e entrada prinsipal ta nan un banda diferente di e un di e formanan di e kasnan aki, enbes di loke nos a menshoná promé, otro situashonnan di bida, parti di kurpa òf miémbronan di famia por wòrdu negativamente influensiá, dor di e área ku ta falta (missing Gua) i e posishon relativo di e boka di Ch'i i e área ei ku ta falta
Factor nan Sikológiko i di Persepshon
Lo bo por aserká e estudio di Feng Shui dor di analisá e efekto perseptual i sikológiko di forma, diseño, i areglo. Kondishon ku ta resultá den persepshonnan desbalansá, manera sinta ku lomba pa porta, bista di splet, muraya di huki skèrpi òf murayanan ku ta blòkia, i plafònnan skeins por destabilisá e sistema nervioso.
Formanan straño e inkompleto por krea e sensashon ku ta falta algu, resultando komo problema den eksperensiá di bida. Faktor nan mundano manera e promé kamber ku bo ta mira ora bo drenta kas, por krea efekto di komportashon.
E esfera transedental di "spirits," "ghosts" i energianan di pensamentu, tur ta hunga un ròl importante.
Respetando e diferensianan
Tin diferensianan fundamental ku ta separá BTB Feng Shui School for di otronan. Sinembargo, Master Lin Yun ta aseptá e diferensianan i ta respetá nan tur e skolnan di Feng Shui tradishonal, na un forma igual, i e ta enkurashá su studiantenan pa hasi meskos. Di un formá hopi serio e ta avisá su studiantenan pa nunka kritiká niun "practitioner" di niun skol.
James A. Moser
Nos dosente, eksperto di renombre mundial riba e tereno di Feng Shui, Mr. James Allyn Moser a duna un mensahe masha poderoso pa loke ta regardá e futuro di Feng Shui.
Ela Bisa:"Hendenan di awendia ta realisá ku e ambiente ta afektá bo i ku Feng Shui ta e yabi pa komprondé kon loke ta rondó di nos ta influensiá nos. Segun nos "inspraak" riba nos espasio ta oumentá, i ku mayoria di nos trahando for di nos kas, lo bo mira uso di Feng Shui bira mas prevalente. Diseñadornan di interior di un forma mas liber ta usando Feng Shui ku nan klientenan i e próksimo profeshon ku lo kuminsá usa Feng Shui lo ta e agentenan di "real estate." "Real estate ta ideal, spesial pa ora bo haña propiedatnan ku ta difísil pa bende; djis kambio di un kos por krea e benta ei.
Di otro banda kumpradónan lo bai ke e kasnan ku ta "Feng Shui correct" i den futuro lo buska kasnan ku tin un seyo di Feng Shui komo aprobashon.
Lo bo sigui mira Feng Shui komo tópiko den revista, korant, na radio i TV. Segun e konsientisashon riba Feng Shui ta krese, hende lo bai realisá ku nan lo keda atras si nan no kuminsá apliká Feng Shui den nan bida.
Gerentenan lo realisá ku si nan lèsenar no ta den e posishon di mas poderoso, nan por keda atras den nan negoshi. Amanan di kas lo realisá ku moviendo nan kama nan por mehorá nan matrimonio. planifikadónan di suidat lo realisá ku nan por krea un mihó sistema pa kontrolá tráfiko i baha krímen usando Feng Shui. Personanan kualkier nivel sosial lo realisá ku lo e tin un mihó kalidat di bida usando Feng Shui. No laga tempu moderno pasabo forbei, usa Feng Shui pa mihó resultado."
This text is used by fengshuihost.com with the permission of Mr. James Allyn Moser
Fuente: Professor Lin Yun, James Allyn Moser i Sean Xenja